Nassiussanik sumiiffimmit sumiiffimmut assartortitsissaguit Blue Water Greenland sumiiffinni assigiinngitsuni allaffeqarfippassuagut aqqutigalugit, ilinnut sullissinernut assigiinngitsunut arlalinnut saaffissaavoq
Blue Water halvfamsikkulli aallartinneranni Kalaallit Nunaannut aalajaatsumik atassuteqarsimavoq.
Nammineq Nuummi, Qaqortumi, Sisimiuni, Aasianni aamma Ilulissani allaffeqarpugut kiisalu aalajaatsunik nassiussalerisunik attaveqarfeqarpugut, taakku aqqutigalugit Atlantikup Avannaa tamakkerlugu sammisaqarpugut.
Kalaallit Nunaannit aalisakkanik nioqqutissiat tonsit tusindit arlallit Europap nunavissuanut imarsuullu akianut ingerlatseqqinniarlugit Danmarkimut umiarsuakkut nassiuttarpagut kiisalu Europamit Atlantikup avannaani niuerfinnut atuisunut nioqqutissat. Saniatigut sullissinerit, soorlu akitsuusiinermik suliaqarnerit, tigunerani akiligassat (COD) aamma nioqqutissanut sillimmasiinerit, soorunami aamma ataatsimut sullissinitta ilagaat.
Kalaallit Nunaanni assartuinermik aamma ingerlasussanik piareersaanermi aqutsinermik inissisimalluarnerput tunuliaqutaralugu poortukkanik ataatsimut aaqqiinerit assigiinngitsut tamaasa kiisalu matumit matumut nassiussinerit neqeroorutigaagut.
Pilersuinermi ataqatigiinnik tamakkiisumik aqutsineq neqeroorutigaarput aamma pilersuinermi ataqatigiinni peqataasunut tamanut iluarsiissutinik pilersitsisarpugut - soorunami sullitat nioqqutaannut pisariaqartitaannullu naleqqussakkanik, soorlu sumiiffinni tatiginartumik attaveqarnitsitut sumiiffinnilu sulisoqarnitsitut tamanna uagutsinnut pissusissamisoortuusoq.
Inuit ataasiakkaat aamma suliffeqarfiit nassiussanik assigiinngitsunik tamanik assartuinissaannik ikiortarpagut - angisuut mikisullu - illoqarfiit tamarmik akornanni, imaatigut, aqqusinikkut aamma silaannakkut.
Umiarsuakkut nassiussat ingerlatatsinni pingaarnerpaanut ilaapput. Ileqquusumik atuinermi nioqqutissanik aamma nioqqutissanik nillataartunik/qerisunik Kalaallit Nunaannut Kalaallillu Nunaannit nassiussisarpugut.
Skandinaviap aamma Kalaallit Nunaata akornanni ullut tamakkiallugit aallartoqartarnerani nioqqutissanik eqqussinermi aamma avammut tunisinermi timmisartukut nassiussanik passussinermi paasisimasaqarluarpugut.
Paasisimasaqarluarnitta akornutissaqanngitsumik ingerlaneq qulakkeertarpaa - s. i. nioqqutissanik eqqussuinerit imaluunniit avammut tunisinerit tamaasa eqqortumik akitsuusiinerit suliarineqarnissaannik neriorsorneqarputit.
Takornariartaatinut aamma imarsiortunut suliffeqarfeqarfimmi Blue Water assartuinermik aamma ingerlasussanik piareersaanermi aqutsinermik paasisimasaqarluarput. Toqqortaqarneq, takornariartaatinut Kalaallit Nunaanni umiarsualivinnut aqqusaartartunut, pisariaqartunik tamanik pilersuineq aamma nassiussineq neqeroorutigaarput. Kalaallit Nunaanni aammattaaq containerinik umiarsuarmut tigusisussamut toqqaannartumik tunniussinerit neqeroorutigaagut.
Nunarsuarmi takornariartaatinut umiarsuaatileqatigiinnik annernik ukiorpassuarni aamma qanittumik suleqateqarnerup, sunngiffimmi nioqqutissiornermik sukkasuumik alliartortumik taassuminnga ilisimasaqalersimavugut.
Inunnut ataasiakkaanut suliffeqarfinnullu nutserisarpugut aamma suliaq aallaqqaataanit naammassinissaanut suliarisarparput. Kalaallit Nunaannut imaluunniit Kalaallit Nunaannit nuunnermi soorunalimi uppernarsaatit eqqortut qulakkeernissaanut aamma ikiuuttarpugut.
Sumiiffimmi sulisugut ilinniarluarsimasut Kalaallit Nunaanni nutsernernik ukiorpassuarni misilittagaqarput.
Allaffitsinni tamani nutsernermut atortussanik pisisinnaavutit, soorlu karsit nutsigassanut poortuutit, plastikkit pullartaarartallit, poortuutissiat aamma madrassimut puussiat.
Nutsernissamut suliassaq pillugu neqeroorummik pisussaatitsinngitsumik pigit.
Qaqortumi Aasiannilu inunnut ataasiakkaanut aamma suliffeqarfinnut eqqiaanermik neqerooruteqarpugut. Eqqiaanerit assigiinngitsut tamaasa suliarisarpagut, ulluinnarni eqqiaanernit igalaanik qillersaanermut.
Sumiiffimmi sullissinermi sulisugut suliassaqarfimmi pikkorinnerpaanut ilaapput aamma inuttut pissusiat, suliamut ilisimasaqarnerat, misilittagaallu aallaavigalugit qinerneqarsimapput.
Kalaallit Nunaanni umiarsualivinni tamani takornariartaatinut umiarsualivinni nassiussalerineq neqeroorutigaarput. Imarsiortunut ingerlasussanik piareersaanerup aqutsinerullu iluani sullissinitsinnut annertuumut ilanngullugu, taakku takornariartaatinut aamma imarsiortunut suliffeqarfeqarfiup iluani sallersaasutut peqataatippaatigut.
Kilisaatinik annertuumik misilittagaqarpugut, tassani sullissinernik arlalissuarnik neqerooruteqarpugut, soorlu usingiarneq, containerinik poortuineq imaarsinerlu, sullissinermi umiatsianik tunniussineq aamma imerpalasuusivinnik saliineq kiisalu imermik minguttumik peersineq.
Umiarsualivinni nassiussalerisugut misilittagartuut ataatsimik saaffissaqarluni 24/7 (ulloq unnuarlu sapaatip akunnera tamaat) sullissinernik kiisalu pilersuilluni sullissinernik umiarsuarnut tamanut neqerooruteqarput. Imermik aamma innaallagissamik pilersuisarpugut, pituutarsuarmik passussinermut ikiuussinnaavugut aamma allaffipput sila sikoqarneralu pillugit paasissutissiisinnaavoq.
Toqqorsiviutigut tamarmik nakkutilliinermi nutaalianik atortulersugaapput, tamannalu illit nioqqutissaativit ulloq unnuarlu isumannaatsumik toqqortarineqarnerannut qularnaveeqqutaavoq.
Kalaallit Nunaat tamakkerlugu toqqorsivitsinnit containerinik attartortitsisarpugut aamma amerlasuutigut ullormiit ullormut tunniussisinnaasarpugut. Illit containeriutivit paarinissaanut aamma periarfissaqarpugut.
Pigisannut toqqorsivissamik imaluunniit suliffeqarfinni saniatigut toqqorsivimmik isumannaatsumik pisariaqartitsivit, taava uagutsinni sukkasuumik ajornaatsumillu inimik toqqorsivimmik attartorsinnaavutit.
Nassiussat tamarmik qarasaasiami toqqorneqartarput. Nassiussat tamarmik tiguneqarnerminni allagartalerneqartarput aamma qinnguartarlugit qarasaasiamut immiunneqartarput, aamma nassiussat tamarmik toqqorsivimmit peerneqarpata, peerneri qinguartarlugit qarasaasiamut immiunneqartarput.
Suliffeqarfittut toqqorsivissi uagut toqqorsivik tigooraavitsinnut nutaamut nuussinnaavarsi. Pisiariniakkat tigoorarnissaat ilissinnullu aamma sullitassinnut tunniunnissaat isumagissavarput.
Toqqorsivimmi aqutsinermi ataqatigiimmik aaqqissuussineq (Warehouse Management System) atorlugu, ajornaatsumik takusinnaavarsi nioqqutissat suut tunniunneqassanersut, toqqorsivimmi uninngasuutisi aamma nioqqutissat ataasiakkaat sullissamut apuunnissaanut malissinnaavasi.
Scroll to top
